Қанлыкөл районында «Медицина хызметкерлери күни» белгиленди

Халқымыздың ден-саўлығын сақлаўдай ийгиликли ислерде медициналық  хызмети менен айрықша орын тутатуғын машақатлы кәсип ийелериниң мийнетлери ардақланып, Өзбекистан Республикасы Президентиниң қарары менен ҳәр жылы ноябрь айының екинши екшембиси медицина хызметкерлери күни деп белгиленип келинбекте.

 «Медицина хызметкерлери күни» Қанлыкөл районында  көтериңки  руўхта өткерилип, байрам даўамында «Медицина хызметиниң халқымыз турмысындағы орны» ҳәм «Медицина хызметкерлери, өз кәсибиңе садық бол!» темаларында баянатлары оқылып, машақатлы кәсиптиң арқасында ҳүрметли дем алыста отырған пенсия жасындағы нураныйларымыз мирәт етилип, байрам тамашалары менен концерт бағдарламасы инам етилди.

Сондай-ақ, «Медицина хызметкерлери күни» мүнәсибети менен район ҳәкимлиги, районлық медицина бирлеспесиниң бир қатар хызметкерлерин кәсиплик байрамы менен қутлықлап, халқымыздың ден-саўлығын жақсылаў бойынша көрсетип атырған пидәкерлик мийнетлери ушын районы ҳәкиминиң «Ҳүрмет жарлығы» тапсырылды ҳәм баҳалы саўғалар менен сыйлықланды.

Пайдалы дереклер