Республикалық айрықша жағдайлар басқармасы тәрепинен Қанлыкөл районында оқыў тактикалық шынығыўлары өткерилди

Өзбекистан Республикасы Министрлер Кабинетиниң 2017-жыл 21-август күнги «Халықтың айрықша жағдайларда ҳәрекет қылыўға таярлығын асырыўға байланыслы қосымша ис-илажлар ҳаққында»ғы 650-санлы қарары талапларына муўапық, Қанлыкөл районында усы жыл 3-ноябрь күни Қарақалпақстан Республикасы айрықша жағдайлар басқармасы тәрепинен оқыў тактикалық шынығыўлары өткерилди.

Оқыў шынығыўының теориялық бөлиминде тәбийғый техноген түрдеги айрықша жағдайлар (аўкатлық затлардан зәҳәрлениў, қутырған ийттиң тислеўи, өрт жүз бергенде, түрли химиялық ийислер мен
ен тәбийий газден зәҳәрлениў, ҳәр түрли жарақатланыўларда биринши медициналық жәрдем көрсетиў ҳ.т.б.) бойынша айтып өтилди.

Оқыў шынығыўының екинши бөлиминде жоқарыда айтып өтилген ҳәрекетлер жүз берген жағдайлар қәнийгелер тәрепинен әмелиятта көрсетилди.

Оқыў  шынығыўлары район аймағындағы мәҳәлле пуқаралар жыйынлары қәнийгелери, тийисли мекеме, шөлкемлер ҳәм  пуқаралар, сондай-ақ, айрықша жағдайларды сапластырыў бойынша мәҳәлле пуқаралар жыйынларындағы «Пуқаралықты қорғаў топары» ағзалары қатнасты.

Пайдалы дереклер