Қанлыкөл районы колледж оқыўшылары Хожели районындағы «Меҳрибанлық үйи»нен хабар алды

Ҳүрметли Президентимиздиң «Ҳеш ким меҳир ҳәм итибардан шетте қалмайды» деген сөзлери негизинде орынларда көп ғана қайырсақаўатлық илажлары әмелге асырылмақта.

Усындай қайырсақаўатлық илажлары шеңберинде, Өзбекистан Жаслар аўқамының районлық бөлими ҳәм колледжлердиң басланғыш шөлкем жетекшилериниң басшылығында Қанлыкөл районы колледжи оқыўшылары усы жылдың 10-ноябрь күни Хожели районындағы 1-санлы  «Меҳрибанлық үйи» тәрбияланыўшыларының мийманы болды.

Илаж даўамында, «Меҳрибанлық үйи» директоры Сон Светлана Мехайловна менен ушырасып, өз перзентлериндей болып қалған тәрбияланыўшыларының жағдайы, күн тәртиби, оларға жаратылған қолайлы шараятлар ҳәм тәрбияланып атырған балалар менен танысты. Бул жерде балалар 18 түрдеги пән дөгереклеринде билим менен кәсип-өнердиң сырларын үйренип, түрли таңлаўлар менен спорт жарысларында қатнасып, айтарлықтай жетискенликлерге ерискенлигин мақтаныш пенен тилге алды.

Миймандос балалар өзлериниң жаңа досларына өз дөретиўшилигин көрсетип, қосық ҳәм аяқ ойынларын қойып берди. Оз гезегинде  колледж оқыўшылары олардың кеўлин көтериў мақсетинде, өзлериниң таярлаған концерт бағдарламасы менен бүгинги күндеги әҳмийетли болған «Өз балаңды өзиң асыра» темасындағы  сахналық көринислерин инам етти.

Сондай-ақ, колледж оқыўшылары меҳрибанлық үйи тәрбияланыўшыларына өзлериниң естелик саўғаларын тапсырды.

Пайдалы дереклер